Euskara | Español
Izenburua: 1512: NAFARROAREN KONKISTAK 500 URTE/500 AÑOS DE CONQUISTA EN NAVARRA
Egilea: ASKOREN ARTEAN
ISBN: 978-84-7148-510-6
Urtea: 2010
erosi
Erreseina

1512an, Gaztelako tropek, Albako dukearen gidaritzapean, Nafarroa inbaditu zuten. Gertaera haren bosgarren mendeurrena laster izango dela-eta, hainbat ekimen abiatu dira, batzuk erakunde publikoen eskutik eta beste batzuk, berriz, kultur eta herri elkarteen eskutik. Hauetako bat da Nabarraldek 2010eko irailaren 18an eta 19an Vianan antolatu zuen Euskal Herriko Historialarien I. Biltzarra. Berrehun pertsona baino gehiago bildu ziren hainbat adituk aurkeztutako txostenei adi. Punta-puntako adituak izan ziren, gainera; zehatz-mehatz, Jean Louis Davant, Iñaki Sagredo, Floren Aoiz, Peio J. Monteano, Mikel Legorburu, Pedro Esarte, Jon Oria, Mikel Sorauren, Bixente Serrano Izko, Jose Luis Orella Unzue eta Joseba Asiron. Hemendik aurrera, berriz, haien txostenak, liburu honetan bilduta, Nafarroako historian interesa izan dezakeen edozein pertsonaren esku egongo dira. Txostenak jatorrizko hizkuntzan bildu dira (7 gaztelaniaz eta 4 euskaraz). Alabaina, euskarazko txostenek sarreratxo bat dute gaztelaniaz eta gaztelaniazkoek, berriz, euskaraz.